السلام عليكم ورحم الله وبركاته .
اول شيء بكتب لكم بالعاميّه ، والشيء الثاني لاتقولون وش يبي ذا المطوّع ،بيقلقنا والا شيء من كلام ( الجهلاء ) .. مع احترامي لكم ,مو انتوا
الحقيقه اني فضّلت اكتب الموضوع لحاجتنا الماسّه له .. يمكن احد يستغرب من اسمي وصورة التوقيع يقول كيف هذا يكتب موضوع كذا .؟
الحين الواحد فينا لو يلاحظ الوضع الي احنا قاعدين نمّر فيه وحاصل لنا ، من تضييق الخناق على الاسلام والمسلمين ، وهذا لاشك أنه له دلالات واضحه أعتذر عن ذكرها ، للترغيب فقط .
المهم انه الواحد فينا يشوف الحاصل من تفجيرات ومشاكل غريبه علينا ، وللأسف لو الواحد يشوف الحاصل في بعض من أقطاربلدنا المسلم ، يقف مكتوف الايدي .
انا مره كنت بأحد مدن المملكه الحبيبه ، وكانت الساعه 10 بالليل ، كنت امشي بالسياره واسمع صوت زي التفحير أو القنابل ، والله نمّل جسمي من الخوف ، مو خوف لايكون تفجير والا شيء ، لا والله اني خايف من سخط الله علينا ..
المهم ، وقفّت عسكري بالشارع ، قلت : يالغالي تسمع صوت زي التفجير وش هو ؟ قال لا هذا فيه مهرجان هناك وهذا صوت الألعاب الناريه . قلت اهاا الحمدلله ، بس والله ياخوي افكّره بروق ورعود قلت ان شاء الله تمطر ، قال : بعد ما عطاني ابتسامه صفراء ، مطر ؟ تقول مطر؟ ياعمي من وين يجينا مطر والحال زي منت شايف !! والله ضاق صدري
وقعدت افكّر ليش الرجال قال كذا ؟ ليه ماقال ايه ان شا الله ابشر بالخير ؟ فعلاّ الناظر لحالنا اليوم يقول الله يستر من اللي جاي . وكما ذكر عليه السلام لايأتي زمان ، الا والذي بعده أسوأ منه أو كما قال عليه السلام .
فأنت ؟ ايه انت !! ، بما انك تاكل من رزقه سبحانه وتسكن في ارضه ، وفي كل مكان يشوفك ، وماتقدّر ترد الموت اذا جاك ، ليه ما تفكّر مو سنه والا عدة شهو ر ، ياخي ساعه وحده ، شف نفسك وشف الحال اللي انت عليها ؟ المطلوب مننّا بما انه مالنا اي شيء نملكه الا التالي :
اولا : الصدقه ، اذا شفت لك محتاج او محتاجه وقفّ ، تعنّى واوصل له وعطه وابتسم بوجهه قبل كل شيء ، خلك تاخذ اجر الصدقه والابتسامه ، لاتقول والله هذا شكله لعاّب ما عليه بخير ، لا الله امرنا بالصدقه ،ما أمرنا بمعرفة حال المتصدّق عليه .
ثانياً : وانت تصلّي ادع للمسلمين واخوانك في كل انحاء المعموره ، ترى هذا أفضل شيء تقدر تسويه في وقتنا هذا ، لاحد يجي ويقول بجاهد أحسن، لاتجاهد طالما ان والديك حيين ، او احدهما حيّ ، ففيهما فجاهد كما ذكر عليه السلام ، قل ( اللهم اغفر لي ولوالديّ وللمسلمين والمسلمات والمؤمنين والمؤمنات الاحياء منهم والاموات إلى يوم الدين ) خلّك تاخذ اجر كل واحد دعيت له ، واحسب معي كم عدد الي ماتوا واللي هم احياء الآن .
ثالثاً : وهو الأهم ، حاول انه اي يوم جديد يبدأ ، ماتكسب فيه ولا اثم او معصيه أو ذنب ، اترك الرصاص المذاب هالاغاني اللي تعمي القلب ، انت تعرف انه كل يوم تسمع فيه اغنيه ينكث في قلبك نقطه سوداء حتى يتغطّى ويصير أعمى واسود قال تعالى ( كلا بل ران على قلوبهم ماكانوا يكسبون ) ران : اي تغطّى .
رابعاً : لازم تعرف شيء مهم ّ ، واقعد بينك وبين نفسك نصف دقيقه ، انه الله سبحانه وتعالى يراك وبجنبه ملك الموت . لو أمر الجبّار ملك الموت بقبض روحك ، تتوقعّ انه بيمهلك شوي ، والا بيرحمك؟ كما قال تعالى ( لايعصون الله ما أمرهم ، ويفعلون مايؤمرون ) .
الخامس : اكثر من الادعيه وش بيضّرك ؟ ، ومن أنت ؟ حتى تشيل همّ ولا تذكر اسم الله وتدعي بينك وبين نفسك مثال :
( لا اله الا الله الحي القيوم ) تحصل على 240 حسنه
(سبحان الله والحمدلله ولا اله الا الله والله اكبر ) قال عليه السلام ( احب اليّ مما طلعت عليه الشمس )
( اللهم لك الحمد والشكر كما ينبغي لجلال وجهك وعظيم سلطانك ) من قال هذا الدعاء من قلب خالص ، شوفوا الأجر (( تحتار الملائكه في مقدار أجر قائله ، يختلفون في عظمته وقدره ، ثم يسألون الرب جلّ وعلا فيقول (( أكتبوها لعبدي وأنا أجزي بها ) أمانتك منت بحاجه لمثل كذا ؟.؟
من قال اللهم صلى على محمد 10 مرات صباح ومساء حلّت له شفاعة النبي صلى الله عليه وسلم .
من قال (سبحان الله وبحمده ) 100 مرّه ، حطّت خطاياه وان كنت مثل زبد البحر ( وهذا حاول كل يوم تقوله ، علّ الله سبحانه يغفر لنا ذنوبنا ,. لاتقول بسمع اغاني واسوي اللي ابي ، واذا جيت بنام بستغفر !!!
قال رسول الله صلى الله عليه وسلم :" كلمتان
خفيفتان على اللسان ، ثقيلتان في الميزان ، حبيبتان إلى الرحمن : سبحان الله
وبحمده ، سبحان الله العظيم "
عن النبي صلى الله عليه وسلم قال :
" إن الله اصطفى من الكلام أربعاَ : سبحان الله ، والحمد لله ، ولا إله إلا
الله ، والله أكبر . فمن قال : سبحان الله كتب له عشرون حسنة ، وحطت عنه عشرون
سيئة ، ومن قال : الله أكبر فمثل ذلك ، ومن قال : الحمد لله رب العالمين من قبل
نفسه كتبت له ثلاثون حسنة ، وحطت عنه ثلاثون سيئة "
( لاحول ولاقوة الا بالله ) كنز من كنوز الجنه
قال : صلى الله عليه وسلم : " لقد قلت
بعدك أربع كلمات ثلاث مرات لو وزنت بما قلتِ هذا اليوم لوزنتهن :" سبحان الله
وبحمده ، عدد خلقه ، ورضا نفسه ، وزنة عرشه ، ومداد كلماته " رواه مسلم
عن أبي هريرة رضي الله عنه أن النبي صلى الله عليه وسلم قال : من قال :" لا إله
إلا الله وحده لا شريك له ، له الملك وله الحمد وهو على كل شيء قدير في يوم
مائة مرة كانت له عدل عشر رقاب وكتبت له مائة حسنة ومحيت عنه مائة سيئة وكانت
له حرزاَ من الشيطان يومه ذلك حتى يمسي ولم يأت أحد بأفضل مما جاء به إلا أحد
عمل أكثر من ذلك " رواه البخاري
عن مصعب بن سعد ، قال : حدثني أبي قال : كنا عند رسول الله صلى الله عليه وسلم
فقال :" أيعجز أحدكم أن يكسب كل يوم ألف حسنة ؟ " فسأله سائل من جلسائه : كيف
يكسب أحدنا ألف حسنة ؟
قال :" يسبح الله مائة تسبيحة فتكتب له ألف حسنة ، أو تحط عنه ألف خطيئة " رواه
مسلم
عن ابن مسعود قال : قال رسول الله صلى الله عليه وسلم : لقيت إبراهيم ليلة أسري
بي فقال : يا محمد أقرئ أمتك مني السلام وأخبرهم أن الجنة طيبة التربة عذبة
الماء وأنها قيعان وأن غراسها سبحان الله والحمد الله ولا إله إلا الله والله
أكبر .. رواه الترمذي
قال رسول الله صلى الله عليه وسلم سيد الاستغفار :" اللهم أنت ربي لا إله إلا
أنت خلقتني وأنا عبدك وأنا على عهدك ووعدك ما استطعت أعوذ بك من شر ما صنعت
أبوء لك بنعمتك عليّ وأبوء بذنبي فاغفر لي فإنه لا يغفر الذنوب إلا أنت ، من
قالها حين يمسي فمات من ليلته دخل الجنة ، ومن قالها حين يصبح فمات من يومه دخل
الجنة " رواه البخاري
في الختام ، اسال الله ان ينفعني بما كتبت ، وينفعكم بما قرأتم ، وان يجعلها في موازين حسناتنا
يوم نلقاه .,
والسلام عليكم ورحمة الله وبركاته ,,
أخوكم : فيصل
مواضيع مشابهة
النمط المتتابع
