تحياتي للجميع ..
اتمنى أن يفهم الجميع قصدي النبيل من هذة القصيدة ..
أتركم معه .. و بالتوفيق
أذا المرجلة لبسة شماغ و عقال *** قل للعذارى يلبسن العمايم
ما عاد تفرق زول حرمة و رجال *** دام الفـعايل تشبه البعض دايم
الـمرجــلة مــا هــي كـلمة و تـنقال *** و تروح ما راحت هبوب النسايـم
وألا خشونة صوت أو رفع أثـقال *** أو رزة صدور و فعل الزلايـم
و لا هي بعد مفتاح موتر وجـوال *** و ألا ردى لسان حديثه شتايـم
المرجلة شيمة عن القيل و القـال *** رفيع نفــس حــر بالجو حايــم
الـمرجلة عــقل وزنـه جــبــــال *** و دون العقل وش فرقنا و البهايــم
يــا مسندي لو مايل الوقت مال *** يا ولــد أبوي يا عظــيم العزايــم
يا معرب الجدين من العم و الخال *** يا نخوة المفزوع وقت الهزايــم
المرجلة يا أخوي هي طولة البــال*** هي العــزم و هي الصبر في الظلايم
فيها الكرم عزه ودله و فنجال *** فيهـا الكرامه عن ردي الطبع شايـــم
و الدين لامنه أخذ بالقلب منزال *** مش طريق الحق و إبليس نايم
و من لاعرف ربه في وقت طيب الحال *** لابــد وقــت الضـــيق بالهــم هايـــم
حتى صلاتك مع الجماعات رجال *** يا عظم أجرك بين ســــاجد و قــايم
ولا من رفع ربي له كل الأعمال *** حسن الذكر لا قالوا فلان صايـــم
وخلك شريف القصد يا طيب الفال *** سوء المقاصد في البيوت الهدايم
و أحذر تبيع النفس في درب الأنذال *** و تتبع خوي إبليس راع النمايم
النفـس خــــيل لك إذا كنت خيــال *** ومن لا قوى نفسه قوته الهزايم
ولا صرت ما تدري ليش أنت رجال *** والله خسارة فيك ذبح التمايم
والله خسارة فيك ذبح التمايم ..والله
